طبعا قبل ما نتكلم هيطلع واحد يقولك هو الحزب الوثني له انجازات ؟
تلاقيه طبعا بتاع معارضه ولا اخوانجي ااقوله يا عم اصبر شويه وسيبك من الحقد والسواد اللي في قلبك ده ومع كده برضه هقولك انجازات الحزب الوطني عفوا الحزب الوثني
اولا
ده الحزب الوحيد في العالم اللي حط شعبه تحت خط الفقر ده اذا كان في خط اصلا
ثانيا
الحزب الوحيد اللي خلى اقسام الشرطه في خدمة قفا المواطن وتعليق المواطن وكهربة المواطن بمعنى اصح خدمه خمس نجوم
ثالثا
في عهده الميمون العيش بالطوابير واصبح هناك شهداء عيش
رابعا
ريح نفسه من القطاع العام والبنوك وباعهم علي راي المثل الباب اللي يجيلك منه الريح بيعه واستريح
خامسا
ريح المواطن من الذهاب الي الانتخابات فزورها
سادسا زهق من المعارضه والاخوان فاعتقلهم وحولهم للمحاكمه العسكريه
سابعا الحزب الوحيد في العالم اللي بيفرلك الموت بكذا طريقه اما غرقات او محروق او جعان والمصيبه الكبيره انه بيوفر الموت كفران (ملحوظه بسؤال احد الاشخاص الغارقين عندما حاول الهروب الي ايطاليا فقال الموت غرقان احسن من طابور العيش وترويق اقسام الشرطه والميه الملوثه وقلة الشغل
في النهايه لايسعنا سوى التقدم بوافر الشكر الي الحزب الوثني علي ما يقدمه لنا من خدمات جليلة وتوصيلنا ال الدار الاخرة باسرع وسيله ولا اراكم الله مكروها في حزب لكم
ابو امين
