لماذا خلق الله الحمير يقول الله فى كتابة العزيز (والخيل والبغال والحمير لتركبوها ) اما فى زمان الحزب الوطنى بقيادة الرجل المبارك اللى شقلب الدنيا فاصبحت والخيل والبغال والحمير لتأكلوها بجد واللة هو دة اللى حصل لم استغرب كثيرا عندما نشرت الصحف والفضائيات خبر تاجر اللحوم اللى باع لحم الحمير على انها لحم ماشية الرجل الناقص الجشع معدوم الضمير استغل حالة الفساد المنتشرة فى البلد وفقر الناس فى جمع ثروة باهظة صدقنى لم استغرب لذلك الخبر فالرجل جعل قدوتة فى العمل اباطرة الحزب الوطنى وحرامية البلد الكبار اللى نهبوا وسرقوا فوت الغلابة واكلوا الشعب الاغذية المسرطنة وشربوهم الماء الملوث الرجل الواطى قال لنفسة الكل بيسرق وينهب ويتاجر بارواح الغلابة هتيجى عليا انا الرجل استغل الفقر الشديد عند الناس وباع كيلو اللحمة ب 15جنية الناس مصدقت دة اللحمة برة ب40جنية وهات يأكل من عند الرجل لحمة يا جدع هو حد لاقى على فكرة الرجل حتى لوقال ان اللحمة دية بتاعت حمير فى ناس برضة هتشترى اهى لحمة وخلاص وخللى الغلابة تاكل ومعدة المصريين تطحن الزلط مش هتطحن لحم الحمير انا كل خوفى من ان الحمير تطالب بحق لجوء سياسى لاحد الدول التى تحترم الحمير على اساس ان نظام مبارك لايحترم لا الحمير ولا المصريين
ابو امين
